"ოცნებისთვის" ინჯიას ხმას ფასი აქვს და ეს ფასი სახელმწიფო ბიუჯეტიდან გადაიხადეს - ბესიკ დონაძე
ფრიდონ ინჯიას ხმას "ოცნებისთვის" ფასი აქვს და ეს ფასი სახელმწიფო ბიუჯეტიდან გადაუხადეს, - ასე აფასებს კორუფციის მკვლევარი ბესიკ დონაძე პრემიერი გადაწყვეტილებას, რომელმაც დეპუტატის ოჯახის კომპანიას 7 მილიონის დავალიანება ჩამოეწერა.
"ევროპული საქართველოს" წევრი პირდაპირ ამბობს, რომ საქმე სავარაუდო თაღლითურ სქემას ეხება.
"ევროპული საქართველოს" წევრი პირდაპირ ამბობს, რომ საქმე სავარაუდო თაღლითურ სქემას ეხება.
გაშიფვრადი თაღლითური სქემაა. სახელმწიფო საბიუჯეტო და სახელმწიფო ქონების მითვისება სხვადასხვა გზებით. ყიდულობენ, ყიდიან, აძლევენ, ჩუქნიან მხოლოდ იმიტომ, რომ მათ პოლიტიკურ დღის წესრიგს სჭირდება და ინჯიას ხმას, ამ შემთხვევაში, აქვს ფასი. ეს ფასი გადახდილია სახელმწიფო ბიუჯეტიდან და სახელმწიფო ქონებიდან, - ამბობს ბესიკ დონაძე."შაბათის ეთერმა" გაარკვია, რომ კომპანია "სისტემ ნეტს", რომლის საკონტროლო პაკეტსაც, ფრინდონ ინჯიას ოჯახი ფლობს, საქართველოს მთავრობამ 2016 წლის 21 დეკემბერს, ორთაჭალაში, გურამიშვილის ქუჩაზე შენობა ნაგებობა და 17 ათას 313 კვადრატული მეტრი მიწის ნაკვეთი მიჰყიდა. ინჯიებს 120 ნომრიანი სასტუმრო უნდა ააშენებინათ და 10 მილიონი ინვესტიცია ჩაედოთ, თუმცა პირობები ორჯერ ვერ შეასრულეს, იმ დროს როცა სახელმწიფო ქონების ეროვნულ სააგენტოს ინჯიას კომპანიისთვის სახელმწიფო კუთვნილი ქონება უნდა ჩამოერთვა ღარიბაშვილმა ახალი ბრძანება გამოსცა და ფრიდონ ინჯიას არა თუ სახელმწიფოს ქონება არ ჩამოართვა. დეპუტატის ოჯახის კომპანიას მილიონები აპატია.