საქართველოს პარლამენტის სხდომაზე ოპოზიციონერ დეპუტატებს შალვა პაპუაშვილი კითხვის დასმის საშუალებას არ აძლევს და მიკროფონს უთიშავს. სესიიდან გააძევეს "რესპუბლიკური პარტიის" თავმჯდომარე, ხათუნა სამნიძე.
სესიაზე რამდენიმე საკანონმდებლო ინიციატივას განიხილავენ. ოპოზიციის წარმომადგენლების კითხვები ძირითადად საერთაშორისო სანქციების აღსრულებასა და სებ-ის გადაწყვეტილებით გამოწვეულ საფრთხეებს ეხება, თუმცა მათ საუბრის საშუალება არ ეძლევათ. პაპუაშვილის გადაწყვეტილებით, მიკროფონი გაუთიშეს ხათუნა სამნიძეს, სალომე სამადაშვილს, რომან გოცირიძეს და სხვებს, რადგან მათი გამოსვლები პროცედურას არ ეხებოდა.
დღეს პარლამენტში ეროვნული ბანკის საბჭოს ახალი წევრების არჩევას უყრიან კენჭს. ასევე, დეპუტატები განიხილავენ "საქართველოს მოქალაქეობის შესახებ" კანონში ცვლილებებს, რომლის თანახმად, ქვეყანაში კანონიერად ცხოვრების შემთხვევაში, საქართველოს მოქალაქეობის მიღების ვადა მცირდება.