მაისური გიჩანს „ოცნების“ მანტიიდან, ჩაქუჩიც რომ ჩამარტყათ შეგიძლიათ თავში? - ამ სიტყვებით მიმართა ბათუმის საქალაქო სასამართლოს მოსამართლეს ანტირუსულ აქციაზე დაკავებულმა თორნიკე კვარანჩხილაძემ, რომელიც მოსამართლემ 2 ათასი ლარით დააჯარიმა.
კვერენჩხილაძის თქმით, ის კადრები, რომელიც დღეს სასამართლოში აჩვენეს, ადასტურებს იმას, რომ ის პოლიციას წინააღმდეგობას არ უწევდა და მისი დაჯარიმების გადაწყვეტილება უსამართლოა.

ორმა მოწმემ თქვა ტყუილი, ჩაქუჩიც რომ ჩამარტყათ შეგიძლიათ თავში? რა გავასაჩივრო, კადრი მაინც არ გენახათ ჩემთან ერთად, გაღიმებული ველაპარაკები პოლიციის უფროსს, ის მაინც არ გენახათ. ბებიაჩემის დანაბარებს გადმოგცემთ - მაგ სიმართლით იარეთ, ასე დამაბარა თუ დაგაჯარიმოს ბებიაო, იცი, რა არის, მაისური გიჩანს „ოცნების“ მანტიიდან, მართლა არასწორია,“ - მიმართა სასამართლო სხდომაზე კვერენჩხილაძემ მოსამართლეს.

სასამართლო დარბაზის დატოვების შემდეგ თორნიკე კვერენჩხილაძემ ჟურნალისტებთან აღნიშნა, რომ მოსამართლის გადაწყვეტილებას გაასაჩივრებს, თუმცა, არც ზედა ინსტანციისგან აქვს სამართლიანი გადაწყვეტილების იმედი.

ბატონო გოგუაძე, მაგარი არასწორი კაცი ხარ, "ოცნების" მაიკა გიჩანს მანტიიდან, შენტან თემიდა ცალი თვალით მაინც იყურება და არტყამს იმ გადაწყვეტილებებს, რაც ბიძინას უნდა, აჯარიმეთ ბებიათქვენი, მე არაფრის გადამხდელი არ ვარ, გავასაჩივრებ, მაგრამ, რომ გითხრათ რაიმეს იმედი მაქვს - არა,“ - ამბობს კვერენჩხილაძე.