მოსკოვი ვერ ხედავს უკრაინასთან სამშვიდობო შეთანხმების ხელმოწერის საფუძველს უახლოეს მომავალში და გააგრძელებს იმას, რასაც რუსეთი ოფიციალურად "სპეციალურ ოპერაციას" უწოდებს. ამის შესახებ The New York Times-ს კრემლის სპიკერმა დიმიტრი პესკოვმა განუცხადა.
კითხვაზე, ცდილობს თუ არა რუსეთი უკრაინის მეტი ტერიტორიის ხელში ჩაგდებას ოთხი ნაწილობრივ ოკუპირებული რეგიონის მიღმა, მან უპასუხა: „არა. ჩვენ უბრალოდ გვინდა, გავაკონტროლოთ ყველა ის მიწა, რომელიც ახლა ჩვენს კონსტიტუციაშია ჩაწერილი, როგორც ჩვენი“.
2022 წელს უკრაინის ტერიტორიების ოკუპაციის შემდეგ, რუსეთმა დონეცკის, ლუგანსკის, ხერსონისა და ზაპოროჟიეს ოლქები საკუთარ ნაწილებად გამოაცხადა, თუმცა მოსკოვი არც ერთ ამ რეგიონს სრულად არ აკონტროლებს.