სისხლიანი გარჩევა ვარკეთილში. ახლაგაზრდა კაცმა მეგობარს დანა ყელში გამოუსვა, შემდეგ კი გაიქცა. 
დაჭრილი მამაკაცი ერთ-ერთ კლინიკაშია გადაყვანილი და მისი მდგომარეობა მძიმეა.
"პირველების" ინფორმაციით, დაჭრას წინ მამაკაცებს შორის ურთიერთშელაპარაკება და ჩხუბი უძღოდა.
შემთხვევა ვარკეთილის მეტროსთან ათობით სათვალთვალო კამერისა და მოწმის თანდასწრებით მოხდა. სისხლიანი ანგარიშსწორების კვალი ადგილს ამ დრომდე ეტყობა. 
სავარაუდო ბრალდებულს გომელაურის უწყების თანამშრომლები მთელი ქვეყნის მასშტაბით ეძებენ.
საქმეზე გამოძიება 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.