გამყრელიძე – რუს კოლეგებს: „მოსკოვი აღარაა ჩვენი მბრძანებელი!“
მოსკოვი აღარაა ჩვენი მბრძანებელი,– ასე ეხმიანება საქართველოს დაავადებათა კონტროლის ცენტრის ხელმძღვანელი ამირან გამყრელიძე კრემლის მიერ ლუგარის ლაბორატორიასთან დაკავშირებით მორიგ ჯერზე წარმოებულ პროპაგანდასა და წამოყენებულ მოთხოვნებს. ამასთან, გამყრელიძე კიდევ ერთხელ აღნიშნავს, რომ რუსი სპეციალისტები ლაბორატორიაში მხოლოდ საერთაშორისო მისიის ფარგლებში დაიშვებიან, მათ შორის თუ სურვილი აქვთ, სამხედრო ექიმები, მაგრამ არა მხოლოდ რუსული დელეგაცია.
„უკვე 30 წელია, საბჭოთა კავშირი აღარ არსებობს და მოსკოვი აღარ არის ჩვენი მბრძანებელი. ეს ჩვენმა რუსმა კოლეგებმა როგორმე უნდა გაითავისონ და შეეგუონ. რას ნიშნავს, ჩამოვლენ და ყველა კუთხე–კუნჭულში შევლენ და ა.შ.?! ისევე ჩამოვა აქ, ლუგარის ლაბორატორიაში რუსი, როგორც სხვა ერის წარმომადგენელი. რამოდენიმეჯერ მოვიწვიეთ რუსები და არამარტო. ამას ჩვენ არ დავუშვებთ, რომ მხოლოდ რუსული დელეგაცია ჩამოვიდეს. ჩვენ მათ ვთავაზობთ, საერთაშორისო დელეგაციის შემადგენლობაში ჩამოვიდნენ. ასე იყო 2018 წელს – 17 ქვეყნის 25 ექსპერტი ჩამოვიდა, რუსებმა უარი თქვეს. ასევე, შარშან ჩვენი ეპიდზედამხედველობის სისტემა შეაფასა ცალკე ჯანმრთელობის მსოფლიო ორგანიზაციამ, ცალკე ევროპის დაავადებათა კონტროლის ცენტრმა. ამდენად, რუსებს შეუძლიათ, ნებისმიერ საერთაშორისო მისიაში ჩამობრძანდნენ და გეცნონ. ვიმეორებ, ლუგარის ლაბორატორიაში ბევრჯერ არიან ნამყოფი რუსი ჟურმალისტები, მეცნიერები, ნანახი აქვთ, რასაც ვაკეთებთ. ყველა ეს გამოხტომა, რაც ბოლო სამი დღის განმავლობაში ხდება, ხდება პერიოდულად და მას მხოლოდ პოლიტიკური სარჩული აქვს“,– განაცხადა გამყრელიძემ.
„უკვე 30 წელია, საბჭოთა კავშირი აღარ არსებობს და მოსკოვი აღარ არის ჩვენი მბრძანებელი. ეს ჩვენმა რუსმა კოლეგებმა როგორმე უნდა გაითავისონ და შეეგუონ. რას ნიშნავს, ჩამოვლენ და ყველა კუთხე–კუნჭულში შევლენ და ა.შ.?! ისევე ჩამოვა აქ, ლუგარის ლაბორატორიაში რუსი, როგორც სხვა ერის წარმომადგენელი. რამოდენიმეჯერ მოვიწვიეთ რუსები და არამარტო. ამას ჩვენ არ დავუშვებთ, რომ მხოლოდ რუსული დელეგაცია ჩამოვიდეს. ჩვენ მათ ვთავაზობთ, საერთაშორისო დელეგაციის შემადგენლობაში ჩამოვიდნენ. ასე იყო 2018 წელს – 17 ქვეყნის 25 ექსპერტი ჩამოვიდა, რუსებმა უარი თქვეს. ასევე, შარშან ჩვენი ეპიდზედამხედველობის სისტემა შეაფასა ცალკე ჯანმრთელობის მსოფლიო ორგანიზაციამ, ცალკე ევროპის დაავადებათა კონტროლის ცენტრმა. ამდენად, რუსებს შეუძლიათ, ნებისმიერ საერთაშორისო მისიაში ჩამობრძანდნენ და გეცნონ. ვიმეორებ, ლუგარის ლაბორატორიაში ბევრჯერ არიან ნამყოფი რუსი ჟურმალისტები, მეცნიერები, ნანახი აქვთ, რასაც ვაკეთებთ. ყველა ეს გამოხტომა, რაც ბოლო სამი დღის განმავლობაში ხდება, ხდება პერიოდულად და მას მხოლოდ პოლიტიკური სარჩული აქვს“,– განაცხადა გამყრელიძემ.