რუსეთს პრეზიდენტის ადმინისტრაციის პრესსპიკერი, დიმიტრი პესკოვი ამბობს, რომ საფრთხის შემცველია კიევის განცხადება, რომლის მიხედვითაც უკრაინა რუსეთის პორტებისკენ მიმავალი გემებს პოტენციურ სამხედრო ტვირთის გადამზიდავად აღიქვამს.
პესკოვის მტკიცებით, კიევის ქმედებები "არაპროგნოზირებადია" ამიტომ, რაც პოტენციურ საფრთხეს ქმნის შავი ზღვის რეგიონში. 

"კიევის არაპროგნოზირებადი ქმედებები და უფრო მეტიც, ტერორისტულ აქტებში კიევის ჩართულობა, რა თქმა უნდა, პოტენციურად ქმნის საფრთხეს ამ არეალში", - თქვა პესკოვმა ჟურნალისტის კითხვის საპასუხოდ. 

მისივე თქმით, შავ ზღვაში საფრთხის შესამცირებლად რუსული სააგენტოები რეკომენდაციებს შეიმუშავებენ. 
კითხვაზე გააგრძელებს თუ არა რუსეთი რუსული საწვავისა და სხვა პროდუქტების ექსპორტს შავი ზღვის გავლით, პესკოვმა განმარტა, რომ ამას "ღრმა ანალიზი" სჭირდება და ამის შემდეგ მიიღებენ შესაბამის გადაწყვეტილებას. 
შეგახსენებთ, რომ რუსეთმა მარცვლეულის შეთანხმება 17 ივლისს დატოვა, რამდენიმე საათში კი შეთანხმებასთან დაკავშირებული ინფრასტრუქტურის დაბომბვა დაიწყო. მოგვიანებით რუსეთის თავდაცვის სამინისტრო განაცხადა, რომ უკრაინის პორტებისკენ მიმავალ ყველა გემს პოტენციურ სამხედრო საფრთხედ აღიქვამდა. 
რუსეთის ამ განცხადებას უკრაინის თავდაცვის სამინისტრომაც უპასუხა, რომელმაც განაცხადა, რომ რუსული პორტებისკენ მიმავალ ყველა გემს აღიქვამდა როგორც პოტენციური სამხედრო ტვირთის გადამზიდავს.