უახლოეს მომავალში უკრაინის ნატო-ში წევრობა ნაკლებად სავარაუდოა, ვინაიდან, ეს ნატო-ს რუსეთთან ომში ჩაითრევს. ამის შესახებ თეთრი სახლის სტრატეგიული კომუნიკაციების კოორდინატორმა ეროვნული უსაფრთხოების საკითხებში, ჯონ კირბიმ CNN-თან ინტერვიუში განაცხადა.
“გვჯერა, რომ ნატო უკრაინის მომავლის ნაწილია. იმას ვგულისხმობ, რომ ეს არის ის, რაზეც ალიანსი ჯერ კიდევ 2008 წელს შეთანხმდა.
ახლა უკრაინას გარკვეული რეფორმების გატარება სჭირდება - სათანადო მმართველობა, კანონის უზენაესობა, პოლიტიკური რეფორმები - და გვესმის, რომ აქედან ზოგიერთ რეფორმაზე მუშაობა რთულია, როდესაც ომის მდგომარეობაში იმყოფები.
რა თქმა უნდა, ახლა ისინი ომის მდგომარეობაში იმყოფებიან. ამიტომ ნატო-ს წევრობა უახლოეს მომავალში ნაკლებად სავარაუდოა, ვინაიდან, ეს ნატო-ს რუსეთთან ომში ჩაითრევს,” - განაცხადა კირბიმ.ს