ჩამობრძანდით, არაფერი გვაქვს დასამალი - დაავადებათა კონტროლის ცენტრის ხელმძღვანელი რუსეთის საგარეო უწყების განცხადებას პასუხობს.
განცხადება, რომელიც გუშინ ლავროვის უწყებამ გაავრცელა ლუგარის ლაბორატორიას ეხება და რუსი დიპლომატები ლაბორატორიაში ქვეყნის წარმომადგენლის შესვლას ითხოვენ.  ამირან გამყრელიძის თქმით, მათ არაერთხელ მიიწვიეს რუსი სპეციალისტები ლაბორატორიის დასატვალიერებლად. 
"რუსეთს აქვს არჩეული თავის პოლიტიკური ნარატივი და როცა უნდა პერიოდულად გადმოაგდებს ხოლმე. ბევრჯერ არიან მოწვეული და მე თვითონ პირდაპირი ეთერში მყავს მოწვეული. ჩამობრძანდით, არაფერი გვაქვს დასამალი, ლუგარი არის გამჭვირვალე მაღალი დონის ლაბორატორია. რასაც ლაპარაკობენ არის მოგონილი ტყუილი, - ამბობს გამყრელიძე.