რუსული Telegram-არხი Baza წერს, რომ როსტოვის ოლქის პოლიციის რიგ განყოფილებებში "ციხის გეგმა" გამოცხადდა და თანამშრომლები მზადყოფნაში არიან. 

გამოცემის ცნობით, "ციხის გეგმა" პერსონალის გადაუდებელ შეკრებასა და ძალოვანი სტრუქტურების განსაკუთრებით მნიშვნელოვან ობიექტებზე კონტროლის აღებას გულისხმობს. გეგმა ასევე ითვალისწინებს მზადყოფნას გარე შეტევის მოსაგერიებლად.

ცნობითვის, ევგენი პრიგოჟინის თქმით შოიგუ როსტოვში "ვაგნერზე" თავდასხმისთვის იყო ჩასული და მათ წინააღმდეგ არტილერია და ვერტმფრენები მოტყუებით გამოიყენა.
შეგახსენებთ, რომ პრიგოჟინი რუსულ არმიას "ვაგნერის" ბანაკებზე სარაკეტო თავდასხმაში ადანაშაულებს და ამტკიცებს, რომ დაქირავებულთა დიდი რაოდენობა დაიღუპა. 
"ჩვენ 25 000 ვართ და მივდივართ ბოროტების დასასრულებლად... ეს სამხედრო გადატრიალება არაა, ეს სამართლიანობის მარშია. ჩვენი ქმედებები ხელს არ უშლის ჯარის მოქმედებას... შოიგუ წითელ მოედანზე უნდა ჩამოახრჩონ და ლენინთან ერთად მავზოლეუმში დააწვინონ", - თქვა მან.
პრიგოჟინის ბრალდებას რუსეთის თავდაცვის  უარყოფს და ამტკიცებს, რომ  "ვაგნერის" ბანაკებზე სარაკეტო თავდასხმის მტკიცებულებები "რეალობას არ შეესაბამება".