უკრაინელი სამხედროები ბახმუტის მიმართულებით თავდაცვიდან შეტევაზე გადავიდნენ და მნიშვნელოვან პროგრესს მიაღწიეს რიგ სფეროებში- იტყობინება უკრაინის თავდაცვის მინისტრის მოადგილე ჰანა მალიარი.

„ბახმუტის მიმართულებით ჩვენი ჯარები თავდაცვიდან შეტევაზე გადავიდნენ. გასული დღის განმავლობაში ბახმუტის მიმართულების სხვადასხვა მონაკვეთზე 200-დან 1100 მეტრამდე წინსვლა განვახორციელეთ. მტერი ამ მიმართულებით გადავიდა თავდაცვაზე და ცდილობდა ოკუპირებული პოზიციის შენარჩუნებას. ამჟამად მტერი ამ მიმართულებით სიღრმიდან თავის რეზერვებს იყენებს დაცვის მიზნით“, - განაცხადა მან.

მალიარის თქმით, „ვაგნერის“ დაქირავებული მებრძოლები ზოგ ადგილას, ქვედანაყოფებში რჩებიან, მაგრამ რუსეთის მხარეს საომარი მოქმედებების ძირითადი ტვირთი ამჟამად რუსეთის ფედერაციის რეგულარულ არმიაზეა, კერძოდ, საჰაერო-სადესანტო თავდასხმის დანაყოფებზე.