რუსეთის საოკუპაციო ჯარებმა კახოვსკას ჰიდროელექტროსადგური ააფეთქეს. ინფორმაციას უკრაინის ოპერატიული სარდლობა „სამხრეთი“ ავრცელებს. 
„ახლა ზუსტდება ნგრევის მასშტაბები, წყლის სიჩქარე და მოცულობა, დატბორვის სავარაუდო ადგილები. ყველა სერვისი მუშაობს. ვითარების მონიტორინგი მიმდინარეობს“, - აცხადებს ხერსონის საოლქო სამხედრო ადმინისტრაციის ხელმძღვანელი პროკუდინი. 
მისივე ინფორმაციით, სახიფათო ტერიტორიებიდან ადგილობრივი მოსახლეობის ევაკუაცია დაიწყო.
ამასთან, პროკუდინის განცხადებით, წყალი კრიტიკულ დონეს 5 საათში მიაღწევს.