"უკრაინა იბრძოლებს თავისი ტერიტორიების სრულ გათავისუფლებამდე" - უკრაინის საგარეოს პასუხი ორბანს
"უკრაინა იბრძოლებს თავისი ტერიტორიების სრულ გათავისუფლებამდე", - ასე პასუხობს უკრაინის საგარეო საქმეთა სამინისტრო უნგრეთის პრემიერმინისტრ, ვიქტორ ორბანს. უწყებაში აცხადებენ, რომ ორბანის განცხადებებს მხარს მხოლოდ კრემლი უჭერს.
"უნგრეთის პრემიერმინისტრმა ვიქტორ ორბანმა უკრაინის წინააღმდეგ რუსეთის აგრესიაზე კომენტირებისას განაცხადა, რომ არ აქვს მნიშვნელობა, ვინ სად შეიჭრება. ის დარწმუნებულია, რომ უკრაინა ომს ვერ მოიგებს", - განაცხადა საგარეო საქმეთა სამინისტროს სპიკერმა ოლეგ ნიკოლენკომ. უწყებამ ორბანს ასევე შეახსენა, რომ ზოგიერთი ევროპელი პოლიტიკოსი შარშან აცხადებს, რომ უკრაინას 72 საათზე მეტის გაძლების შანსი არ ჰქონდა.
"მაშინაც ცდებოდნენ და ახლაც. უკრაინელები გააგრძელებენ ბრძოლას რუსული ოკუპაციისგან თავიანთი ტერიტორიების სრულ გათავისუფლებამდე. ეს არის ერთადერთი გზა უკრაინაში მშვიდობის აღსადგენად და ასევე, მთელი ევროპის უსაფრთხოების გარანტია", - ნათქვამია უწყების განცხადებაში. საგარეო საქმეთა სამინისტრომ აღნიშნა, რომ მნიშვნელოვანია ძალების გაერთიანება, რათა უკრაინას ჰქონდეს ყველაფერი, რაც საჭიროა რუსეთის დამარცხების დასაჩქარებლად.შეგახსენებთ, რომ უნგრეთის პრემიერმინისტრმ , ვიქტორ ორბანმა თქვა, რომ უკრაინას არ შეუძლია რუსეთის წინააღმდეგ ომში გამარჯვება.