"მნიშვნელოვანია ერთი მომენტი, როცა საუბარია შეშფოთებებზე, დააკვირდით ამ განცხადებებს, არც ერთ განცხადებაში, არცერთი უცხოელი პოლიტიკოსი იქნება თუ რაიმე სტრუქტურა, არავინ არ ამბობს, რომ ამ ფრენებით ხდება გვერდის ავლა სანქციებისთვის ან რომელიმე სანქციის დარღვევა. შევთანხმდეთ, რომ პირდაპირი ფრენები არც ერთ საერთაშორისო სანქციას არ არღვევს. აქედან გამომდინარე, თუკი სხვა რაიმე მოტივაცია არის ამ შეფასებების უკან, ამ მოტივაციებზე უნდა ისაუბრონ, ვინაიდან ჩვენ არათუ ახლა, უკვე წელზე მეტია განვაცხადეთ, რა არის ჩვენი პოლიტიკა, რუსეთთან მიმართებით. პოლიტიკა არის შემდეგი, რომ ჩვენ ერთის მხრივ, არ ვუშვებთ საერთაშორისო სანქციების გვერდის ავლას საქართველოს გამოყენებით და ამაში საქართველო არის აბსოლუტურად კეთილსინდისიერი და არც ერთი ფაქტი, ჭორი, ეჭვი არ არსებობს და მეორე - ჩვენ არ ვაწესებთ ორმხრივ სანქციებს, ამაზე არა თუ ვსაუბრობთ, ეს არის ჩვენი გაცხადებული პოლიტიკა ერთ წელზე მეტია". - თქვა პარლამენტის თავმჯდომარე, შალვა პაპუაშვილმა ამერიკის სახ.დეპის განცხადებასთან დაკავშირებით კითხვაზე პასუხად.