"რუსეთის ომი არის თავდასხმა ყველაფერზე, რასაც ჩვენ მხარს ვუჭერთ ევროპის საბჭოში" | ლაიენი
"რუსეთის ომი არის თავდასხმა ყველაფერზე, რასაც ჩვენ მხარს ვუჭერთ ევროპის საბჭოში", - ამის შესახებ ევროკომისიის პრეზიდენტმა, ურსულა ფონ დერ ლაიენმა რეიკიავიკში ევროპის საბჭოს სამიტზე სიტყვით გამოსვლისას განაცხადა.
"დღეს ჩვენ ვიკრიბებით უკრაინის წინააღმდეგ რუსეთის აგრესიული ომის ფონზე. რუსეთი უარს ამბობს უკრაინელების დემოკრატიულ უფლებაზე, იყვნენ საკუთარი მომავლის ბატონები. რუსეთის ომი არის თავდასხმა ყველაფერზე, რასაც ჩვენ მხარს ვუჭერთ ევროპის საბჭოში. მით უფრო მნიშვნელოვანია, რომ ჩვენ გავერთიანდეთ დემოკრატიის დასაცავად, აღზრდისა და ხელშეწყობისთვის. ჩვენ ყველანი უკრაინის გვერდით ვართ. დამნაშავემ პასუხი უნდა აგოს", - განაცხადა ლაიენმა.ამასთან, მან დაადასტურა ევროკავშირის განზრახვა, რაც შეიძლება მალე შეუერთდეს ადამიანის უფლებათა ევროპულ კონვენციას და გააგრძელოს ევროკავშირის დემოკრატიული საფუძვლების გაძლიერება.
"რუსეთის ომის ფონზე, გასულმა წელმა მრავალი ქვეყნის გზაზე გადამწყვეტი მომენტი იყო ევროკავშირისკენ, დასავლეთ ბალკანეთიდან, უკრაინამდე, მოლდოვამდე და საქართველომდე. ჩვენ ერთად ვდგავართ მტკიცედ. ამიტომ, მე ვხედავ შესაძლებლობას კიდევ უფრო მჭიდრო თანამშრომლობისა და პარტნიორობისთვის ევროკავშირს, ევროსაბჭოს და თითოეულ კანდიდატ ქვეყანას შორის, რათა გაგრძელდეს ევროპული დემოკრატიის ისტორიის დაწერა უკრაინაში და ჩვენს კონტინენტზე სხვაგან", - განაცხადა ევროკომისიის პრეზიდენტმა.