„ამერიკის სახელმწიფო დეპარტამენტის წარმომადგენლის ამ განცხადებას მოკლე პერიოდში შესაძლოა მოჰყვეს კონკრეტული სანქციები, რაც კიდევ ერთხელ გააშიშვლებს „ქართული ოცნების“ რუსულ შინაარსს“ - განაცხადა „ერთიანი ნაციონალური მოძრაობის“ პოლიტსაბჭოს თავმჯდომარემ, ლევან ბეჟაშვილმა ვედანტ პატელის განცხადების კომენტირებისას.
ბეჟაშვილი ამბობს, რომ კიდევ ერთხელ დადასტურდა  პარტნიორების შეშფოთება, "ოცნების" მიერ, ქვეყნის დასავლური კურსის ცვლილებაზე:

„ამერიკის სახელმწიფო დეპარტამენტის წარმომადგენლის ეს განცხადება კიდევ ერთხელ ადასტურებს, რომ ჩვენი დასავლელი პარტნიორები არიან შეშფოთებულები იმით, რომ „ქართული ოცნება“ პრაქტიკულად მოახდინა ქვეყნის საგარეო კურსის ცვლილება და ამ მხრივ ნაბიჯების გადადგმას კვლავ აგრძელებს, მიუხედავად 7-8-9 მარტის საპროტესტო აქციების სულისკვეთებისა ჩვენ ვხედავთ, რომ ხელისუფლება ჯიუტად ადგას ანტიდასავლურ პროპაგანდას და ქვეყნის საგარეო კურსის ცვლილებას. ბუნებრივია, ამ დიპლომატიურ განცხადებას მოკლე პერიოდში შესაძლოა მოჰყვეს კონკრეტული სანქციები „ქართული ოცნების“ მაღალი თანამდებობის პირების მიმართ, რაც კიდევ ერთხელ გააშიშვლებს „ქართული ოცნების“ რუსულ შინაარსს და ხასიათს.“ - აცხადებს ბეჟაშვილი.

• "დაკვირვებას გავაგრძელებთ და საჭიროების შემთხვევაში, დამატებით ნაბიჯებს გადავდგამთ" | სახდეპი რუსეთთან პირდაპირ ფრენებზე