აშშ-ის საგარეო ურთიერთობათა კომიტეტმა უკრაინაში ომის დანაშაულებისთვის ტრიბუნალის შექმნას მხარი დაუჭირა
შეერთებული შტატების წარმომადგენელთა პალატის საგარეო საქმეთა ურთიერთობის კომიტეტმა მხარი დაუჭირა რეზოლუციას, რომლითაც პრეზიდენტს მოუწოდებენ, მხარი დაუჭიროს უკრაინის წინააღმდეგ ომის დანაშაულებზე სპეციალური ტრიბუნალის შექმნას. დოკუმენტი განსახილველად წარმომადგენელთა პალატას უკვე გადაეცა.
შესაბამისი რეზოლუცია წარმომადგენელთა პალატაში 2023 წლის 31 იანვარს დარეგისტრირდა. დოკუმენტი ორივე პარტიიდან 25-მა კონგრესმენმა წარადგინა.
რეზოლუციის თანახმად, წარმომადგენელთა პალატა მკაცრად გმობს რუსეთის სრულმასშტაბიან შეჭრას უკრაინაში; მხარს უჭერს უკრაინელ ხალხს თავისუფლებისთვის, დამოუკიდებლობისა და დემოკრატიისთვის ბრძოლაში; ხაზს უსვამს უკრაინის სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში; მიიჩნევს, რომ არსებობს მტკიცებულება იმისა, რომ რუსეთის ფედერაციის ცალკეული ლიდერები არიან დამნაშავეები უკრაინის წინააღმდეგ ომის დანაშაულში, რაც მოითხოვს საერთაშორისო საზოგადოების სათანადო სასამართლო გადაწყვეტილებას.
შესაბამისი რეზოლუცია წარმომადგენელთა პალატაში 2023 წლის 31 იანვარს დარეგისტრირდა. დოკუმენტი ორივე პარტიიდან 25-მა კონგრესმენმა წარადგინა.
რეზოლუციის თანახმად, წარმომადგენელთა პალატა მკაცრად გმობს რუსეთის სრულმასშტაბიან შეჭრას უკრაინაში; მხარს უჭერს უკრაინელ ხალხს თავისუფლებისთვის, დამოუკიდებლობისა და დემოკრატიისთვის ბრძოლაში; ხაზს უსვამს უკრაინის სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში; მიიჩნევს, რომ არსებობს მტკიცებულება იმისა, რომ რუსეთის ფედერაციის ცალკეული ლიდერები არიან დამნაშავეები უკრაინის წინააღმდეგ ომის დანაშაულში, რაც მოითხოვს საერთაშორისო საზოგადოების სათანადო სასამართლო გადაწყვეტილებას.
"მოვუწოდებთ პრეზიდენტს, მხარი დაუჭიროს უკრაინის წინააღმდეგ აგრესიის დანაშაულის დასჯისთვის სპეციალური ტრიბუნალის შექმნას. იმის გათვალისწინებით, რომ 2022 წლის 24 თებერვალს რუსეთის ფედერაციამ დაიწყო სრულმასშტაბიანი ომი უკრაინაში, იმის გათვალისწინებით, რომ რუსეთის ფედერაციის მასშტაბურმა შეჭრამ უკრაინაში გამოიწვია უკრაინაში სამოქალაქო ინფრასტრუქტურის მასიური განადგურება, მილიონობით უკრაინელის გადაადგილება უკრაინის შიგნით და მის ფარგლებს გარეთ, გლობალური საკვების მიწოდების მასიური შეფერხება და ათასობით უკრაინელი, მშვიდობიანი მოქალაქისა და სამხედრო პერსონალის სიკვდილი", - ნათქვამია რეზოლუციის ტექსტში.