უკრაინის სახმელეთო ჯარების მეთაურის, ალექსანდრ სირსკის განცხადებით უკრაინელი ჯარისკაცები სამი დღეა ბახმუტის მიმართულებით წინ მიიწევენ. 
ამის შესახებ სირსკიმ ბახმუტის მიმდებარე ტერიტორიაზე ვიზიტისას განაცხადა, სადაც იგი უკრაინელ ჯარისკაცებს შეხვდა და მათი თავდადებისთვის მადლობა გადაუხადა. 

"ძვირფასო ძმებო, ძვირფასო გმირებო, დღეს თქვენ წერთ ისტორიას. კიდევ ერთ გვერდს ჩვენი ომისა, რომელიც ზუსტად 3 დღის წინ დაიწყო, როცა ჩვენ კონტრშეტევაზე გადავედით. თქვენი ქმედებებით, თქვენ მთლიანი რუსეთის არმია მოაქციეთ ჩიხში, რადგან რუსებმა არ იციან სად ხდება თავდასხმა, სად არის ჩვენი მთავარი დარტყმის ადგილები და რა ხდება ბახმუტთან, რომელსაც ისინი თავისად თვლიდნენ და რომელიც მართლაც ალყაში იყო მოქცეული. ახლა სიტუაცია სრულიად განსხვავებულია," - ამბობს სირსკი. 

მისივე თქმით, ბახმუტის მცველები ახლა "აქტიური თავდაცვის" პრინციპს იყენებენ და ანადგურებენ იმ მტრის გეგმებს, რომლებსაც ჯერ კიდევ უფრო მეტი რესურსი აქვთ.