ნიურნბერგის პროცესი ქართული ოპოზიციისთვის. მმართველი პარტიის ლიდერი ოპონენტების წინააღმდეგ სამოქმედო გეგმას აანონსებს. ირაკლი კობახიძე "ნაციონალური მოძრობის" 9-წლიანი ხელისუფლების საქმიანობის საგამოძიებო კომისიის შექმნას არ გამორიცხავს და სასამართლო პროცესითაც კი იმუქრება.
უფრო მეტიც - კობახიძე კითხვებს სვავს 2008 წლის ომთან დაკავშირებითაც. "ქართულ ოცნებაში" ასეთი უკიდურესი გაღიზიანება მოსამართლეთა საქმიანობის საგამოძიებო კომისიის შექმნის მცდელობას მოჰყვა. როგორც ჩანს, მმართველ უმრავლესობას მიაჩნია, რომ ოპოზიცია მიზანს მიაღწევს და პრევენციისთვის საპასუხო თავდასხმას ამზადებს.