ზამთრის წარუმატებელი შეტევების გამო, რუსეთმა, შესაძლოა, თავისი უმაღლესი სამხედრო სარდლობა გამოცვალოს - ISW
ომის შემსწავლელი ინსტიტუტი (ISW) რუსულ, უკრაინულ და დასავლურ წყაროებზე დაყრდნობით წერს, რომ რუსეთის ზამთრის შეტევამ კრემლის მიზნებს, რომელიც 31 მარტამდე დონეცკისა და ლუგანსკის ოლქების ადმინისტრაციული საზღვრების დაკავებას უკავშირდებოდა, ვერ მიაღწია.
გარდა ამისა, ყოველდღიურ ანგარიშში ამერიკელი ანალიტიკოსები აღნიშნავენ, რომ ზამთრის წარუმატებელი შეტევების გამო, რუსეთმა, შესაძლოა, მალე გამოცვალოს თავისი უმაღლესი სამხედრო სარდლობა. ISW-ის თქმით, ამაზე მიუთითებს მზარდი სპეკულაცია რუსეთის სამხედრო სარდლობის ცვლილების შესახებ.
ISW-ის სხვა მნიშვნელოვანი მიგნებები 1 აპრილს:
გარდა ამისა, ყოველდღიურ ანგარიშში ამერიკელი ანალიტიკოსები აღნიშნავენ, რომ ზამთრის წარუმატებელი შეტევების გამო, რუსეთმა, შესაძლოა, მალე გამოცვალოს თავისი უმაღლესი სამხედრო სარდლობა. ISW-ის თქმით, ამაზე მიუთითებს მზარდი სპეკულაცია რუსეთის სამხედრო სარდლობის ცვლილების შესახებ.
ISW-ის სხვა მნიშვნელოვანი მიგნებები 1 აპრილს:
- რუსულმა ძალებმა განახორციელეს შეზღუდული სახმელეთო შეტევები სვატოვე-კრემინას ხაზის გასწვრივ.
- რუსულმა ძალებმა ვერ მიაღწიეს წარმატებას ბახმუტში ან მის გარშემო და განაგრძეს შეტევითი ოპერაციები ავდიივკა-დონეცკის ფრონტის ხაზზე.
- რუსეთის ჯარები აგრძელებენ თავდაცვის გაძლიერებას ოკუპირებულ სამხრეთ უკრაინაში.
- რუსეთის სამხედრო გაწვევა, რომელიც 1 აპრილს დაიწყო, ყველაზე მასშტაბური იყო 2016 წლის შემდეგ.
- რუსეთის საოკუპაციო ხელისუფლება აგრძელებს უკრაინელი ბავშვების რუსეთში დეპორტაციას, ამის მიზეზად დასვენებას და რეაბილიტაციას ასახელებს.
- რუსმა ნაციონალისტებმა გააკრიტიკეს ბელორუსიის პრეზიდენტი ალექსანდრე ლუკაშენკო რუსეთსა და ბელორუსს შორის საკავშირო სახელმწიფოს შექმნაში წვლილისთვის.