საბჭოთა კავშირის დაშლის შემდეგ პირველად, რუსეთი თავისი ტაქტიკური ბირთვული იარაღის განთავსებას საკუთარი ტერიტორიის მიღმა, კერძოდ ბელარუსში გეგმავს. ამის შესახებ ვლადიმირ პუტინმა და ალექსანდრ ლუკაშენკომ ისაუბრეს.
ბელარუსის ლიდერის თქმით, ეს იმისთვის კეთდება, რომ მისი ქვეყნის საზღვრების გადალახვა ვერავინ გაბედოს, კრემლის ლიდერი კი აცხადებს, რომ მსგავსი გადაწყვეტილება არც ერთ ხელშეკრულებას არ ეწინააღმდეგება. დასავლეთში პუტინის ბირთვულ მუქარას უპასუხისმგებლობას უწოდებენ, თუმცა ასევე ვარაუდობენ, რომ კრემლის ლიდერი ამით მხოლოდ მოწინააღმდეგეების შეშინებას ცდილობს.
რამდენიმე დღის წინ რუსეთმა ბელარუსის ტერიტორიაზე ტაქტიკური ბირთვული იარაღის განთავსების გეგმების შესახებ ისაუბრა, რამაც დასავლეთში შეშფოთება გამოიწვია