უკრაინის პრეზიდენტის ადმინისტრაციის ხელმძღვანელის მრჩეველი მიხაილო პოდოლიაკი რუსეთის პრეზიდენტის, ვლადიმერ პუტინის გეგმებს ეხმაურება ბელარუსში ტაქტიკური ბირთვული იარაღის განთავსებასთან დაკავშირებით. როგორც პოდოლიაკი აცხადებს, ამით პუტინმა პრაქტიკულად აღიარა, რომ წაგების ეშინია.

„პუტინი ძალიან პროგნოზირებადია. ბელარუსში ტაქტიკური ბირთვული იარაღის განთავსების შესახებ განცხადების გაკეთებით, მან პრაქტიკულად აღიარა, რომ ეშინია წაგების და ყველაფერი, რისი გაკეთებაც შეუძლია, ტაქტიკით შეშინებაა. მეორეც - ის კიდევ ერთხელ აკეთებს განაცხადს დანაშაულში მისი მონაწილეობის შესახებ, არღვევს რა შეთანხმებას ბირთვული იარაღის გაუვრცელებლობის შესახებ“, - წერს პოდოლიაკი TWITTER-ზე.