Bloomberg - ის ინფორმაციით, "ვაგნერის" დამფუძნებელი ევგენი პრიგოჟინი უკრაინაში თავისი დაქირავებული მებრძოლების ომში მონაწილეობის შეჩერებას აპირებს.
სავარაუდო გადაწყვეტილების მიზეზი კი რუსეთის მიერ, ვაგნერელებისთვის ცოცხალი ძალისა და საბრძოლო მასალის მიწოდების შეწყვეტა გახდა.
პრიგოჟინი, რომელსაც რუსეთის უსაფრთხოების ძალები და პოლიტიკური ისტებლიშმენტი მზარდ საფრთხედ განიხილავენ, ახლა მებრძოლებისა და საბრძოლო მასალის ნაკლებობას განიცდის მას შემდეგ, რაც მას ციხეებიდან პატიმრების რეკრუტირების უფლება დაუბლოკეს - წერს Bloomberg და აღნიშნავს, რომ კრემლს არ მოეწონა პრიგოჟინის დამოუკიდებლობა.
აღსანიშნავია, რომ "ვაგნერის" დაქირავებულებმა ვერ შეძლეს თავიანთი მთავარი სამიზნის - ქალაქ ბახმუტის დაკავებას, მიუხედავად მრავალთვიანი მცდელობისა და დიდი დანაკარგებისა