"არავის არაფრის არ ეშინია" - კობახიძეც არ პასუხობს კითხვას, არის თუ არა პუტინი სამხედრო დამნაშავე
"ქართული ოცნების" თავმჯდომარე, ირაკლი კობახიძეც პირდაპირ არ პასუხობს კითხვას არის თუ არა რუსეთის პრეზიდენტი, ვლადიმერ პუტინი სამხედრო დამნაშავე. მისი მტკიცებით, უნდა დაველოდოთ სასამართლოს გადაწყვეტილებას.
ცნობისთვის, 17 მარტს ჰააგის საერთაშორისო სისხლის სამართლის სასამართლომ ვლადიმირ პუტინის დაპატიმრების ორდერი გასცა. ორდერი გაიცა ბავშვთა საკითხების ომბუდსმენის მარია ლვოვა-ბელოვას დაკავებაზეც. მოსკოვი აცხადებს, რომ ICC-ის იურისდიქციას არ ცნობს.
"ისტორიული შედეგი იქნება უკრაინაში მშვიდობის დამყარება, ჩვენ ამას უნდა დაველოდოთ. რაც შეეხება კონკრეტული პირების დამნაშავეებად ცნობას, ეს არის შესაბამისი სასამართლო ინსტანციის საქმე და უნდა დაველოდოთ. ჩვენ უნდა დაველოდოთ სასამართლოს გადაწყვეტილებას, დაკავების ორდერი არ ნიშნავს სასამართლოს გადაწყვეტილებას", - თქვა კობახიძემ.მან ჟურნალისტის დამაზუსტებელ კითხვას, რატომ ეშინია პუტინს უწოდოს სამხედრო დამნაშავე, უპასუხა:
"არავის არაფრის არ ეშინია. მე გაგახსენებთ 2008 წელს, მე მგონი ჯობდა მაშინდელ ხელისუფლებას შეშინებოდა ომამდე და არა ომის დროს, ჯობდა გორში კი არ გაქცეული მაშინდელი ე.წ. მთავარსარდალი, მაშინ კი არ შეშინებოდა, მანამდე შეშინებოდა, ეს ჯობდა. როცა გაიქცნენ წითელი ხიდისკენ, მაშინ კი არ უნდა შეშინებოდათ, ომამდე უნდა შეშინებოდათ. შიში არის საჭირო მაშინ, როცა უნდა შეგეშინდეს, როცა არ უნდა შეგეშინდეს და ხალხს უნდა აჩვენო შენი სითამამე, მაშინ უნდა აჩვენო სითამამე. წინა ხელისუფლება მოქმედებდა პირიქით, ომამდე არ ჰქონდათ შიში, და ომის დროს შეეშინდათ. ჩვენ ვმოქმედებთ პირიქით, უნდა შეგეშინდეს შენი ქვეყნის გამო, თუნდაც იმისათვის, რომ დაიცვა მშვიდობა შენ ქვეყანაში".მისი აზრით, ასეთი შიში არა მარტო გამართლებულია, არამედ ეს არის პასუხისმგებლობა ხალხისა და ქვეყნის წინაშე.
ცნობისთვის, 17 მარტს ჰააგის საერთაშორისო სისხლის სამართლის სასამართლომ ვლადიმირ პუტინის დაპატიმრების ორდერი გასცა. ორდერი გაიცა ბავშვთა საკითხების ომბუდსმენის მარია ლვოვა-ბელოვას დაკავებაზეც. მოსკოვი აცხადებს, რომ ICC-ის იურისდიქციას არ ცნობს.