ჰააგის სისხლის სამართლის საერთაშორისო სასამართლომ რუსეთის პრეზიდენტის ვლადიმირ პუტინის დაკავების ორდერი გასცა. 
ამასთან ერთად, ორდერი გაიცა რუსეთის ბავშვთა საკითხების ომბუდსმენის, მარია ლვოვა-ბელოვას დაკავებაზეც.  

"სასამართლოს წინასწარი საქმის მოსამართლეების შეფასებით, არსებობს გონივრული საფუძველი იმის დასაჯერებლად, რომ ეჭვმიტანილებს ეკისრებათ პასუხისმგებლობა ომის დანაშაულებზე, მოსახლეობის უკანონო დეპორტაციაზე და მოსახლეობის უკანონო გადაყვანაზე უკრაინის ოკუპირებული ტერიტორიებიდან რუსეთის ფედერაციაში", - წერს სასამართლო. 

მოსამართლეებმა თავდაპირველად განიხილეს ორდერის საიდუმლო ვითარებაში გაცემა, თუმცა მოგვიანებით გადაწყვიტეს, რომ მათი გასაჯაროება წვლილს შეიტანს დანაშაულთა შემდგომი ჩადენის პრევენციაში. 
შეგახსენებთ, რომ მოსკოვი ჰააგის სასამართლოს იურისდიქციას არ ცნობს.