აპრილის თვეში, აშშ-ში უმუშევრობის დონემ 14.7%-ს მიაღწია, რაც „დიდი დეპრესიის“ შემდეგ ყველაზე მაღალი მაჩვენებელია. მედიის ინფორმაციით, მხოლოდ აპრილის თვეში შტატებში სამსახური 20.5-მა მილიონმა ადამიანმა დაკარგა.
აღსანიშნავია, რომ აღნიშნული მონაცემები მკვეთრად აღემატება იმ მაჩვენებლებს, რომელიც 2009 წელს, გლობალური ეკონომიკური კრიზისის დროს ფიქსირდებოდა.
ცნობისთვის, აშშ-ში მსოფლიოს მასშტაბით კორონავირუსის ყველაზე მეტი 1 292 996 შემთხვევაა დაფიქსირებული. ქვეყანაში ვირუსს 76 948 ადამიანი ემსხვერპლა.