კავკასიასა და ცენტრალურ აზიაში ჩრდილოატლანტიკური ალიანსის გენერალური მდივნის სპეციალური 
წარმომადგენელი, ხავიერ კოლომინა რუსულ კანონპროექტს გამოეხმაურა. კოლომინას თქმით, NATO კანონპროექტით შეშფოთებულია და ის უკან გადადგმული ნაბიჯია.

"NATO შეშფოთებულია კანონპროექტზე, რომელიც თბილისში პირველი მოსმენით მიიღეს. საქართველოსთვის, ისევე, როგორც NATO-ში გაწევრიანების მსურველებისთვის, მნიშვნელოვანია მედიის თავისუფლებისა და სამოქალაქო საზოგადოების მონაწილეობის სწორი სტრუქტურის უზრუნველყოფა. ეს კანონპროექტი არის ნაბიჯი უკან და არ აახლოებს საქართველოს ევროატლანტიკურ ინტეგრაციის მიზანთან", - წერს ხავიერ კოლომინა.