სპეცდანიშნულების რაზმებს "პუტინისტები" იყენებენ ქართველი ხალხის წინააღმდეგ. უნდა ვიბრძოლოთ "პუტინისტების" წინააღმდეგ, - ამის შესახებ აქციაზე მყოფმა „ნაციონალური მოძრაობის“ ლიდერმა ლევან ხაბეიშვილმა განაცხადა.
მისი თქმით, პარლამენტთან არიან მშვიდობიანი მანიფესტანტები და "ქართული ოცნების" მიერ ე.წ. აგენტების შესახებ პირველი მოსმენით მიღებულ კანონპროექტებს მშვიდობიანად აპროტესტებენ.
„ჩვენ ვართ მშვიდობიანი მანიფესტანტები და მშვიდობიანად ვაპროტესტებთ, ისინი მოდიან პროვოკაციაზე და ხედავთ ამას. არანაირი აუცილებლობა არ იყო "რობოკოპები" გამოეყვანათ, აკეთებენ მიზანმიმართულად ყველაფერს. უნდა ვიბრძოლოთ, ბრძოლა არ უნდა გავაჩეროთ! ჩვენ ვართ მშვიდობიანი ხალხი, მშვიდობიანად ვიცავთ ჩვენს ინტერესებს და დავიცავთ ყოველთვის“, - განაცხადა ხაბეიშვილმა.