ევროკავშირის წარმომადგენლობა და საქართველოში აკრედიტებული ევროკავშირის წევრი ქვეყნების ელჩები, უკრაინაში რუსეთის შეჭრის 1 წლისთავთან დაკავშირებით, კიდევ ერთხელ უცხადებენ მხარდაჭერას ომში მყოფ ქვეყანას:

"ერთი წლის წინ, რუსეთმა უკრაინის წინააღმდეგ სასტიკი სრულმასშტაბიანი აგრესია დაიწყო.
ევროკავშირი და მისი წევრი სახელმწიფოები აგრძელებენ უკრაინის მხარდაჭერას. ჩვენი ერთიანობა თანამოაზრე პარტნიორებთან ურყევია და ერთად ვახორციელებთ უპრეცედენტო ქმედებებს.
უკრაინა იბრძვის იმ ღირებულებებისთვის, რომლებსაც ევროპა ეფუძნება. უკრაინის ბრძოლა ჩვენი ბრძოლაა.
უკრაინამ უნდა გაიმარჯვოს. დიდება უკრაინას!" აცხადებს ევროკავშირის წარმომადგენლობა საქართველოში და დიპლომატების ერთობლივ ფოტოს ავრცელებს.