ჯანდაცვის მსოფლიო ორგანიზაციის [WHO] განცხადებით, თურქეთსა და სირიაში მომხდარი მიწისძვრის შედეგად, დაახლოებით 23 მილიონი ადამიანი დაზარალდა. 
მათივე ინფორმაციით, დაზარალებულებს შორის 1,4 მილიონი ბავშვია.
ჯანმო თვლის, რომ სიტუაცია გაცილებით უფრო რთულია სირიაში, ვიდრე თურქეთში, რადგან სირიისგან განსხვავებით თურქეთს აქვს იმის რესურსი, რომ კრიზისს გაუმკლავდეს.
"ეს კრიზისი ქვეყანაში უკვე არსებულ რამდენიმე კრიზისს დაემატა", - ამბობენ ჯანდაცვის მსოფლიო ორგანიზაციაში და განმარტავენ, რომ სირიაში მიწისძვრამდეც არსებობდა ჰუმანიტარული კრიზისი სამოქალაქო ომისა და იქ გავრცელებული ქოლერას ეპიდემიის გამო.
უკანასკნელი მონაცემებით, ძლიერი მიწისძვრების შედეგად 5,000-ზე მეტი ადამიანი გარდაიცვალა. მათ შორის, თურქეთში დადასტურდა 3,419 ადამიანის დაღუპვა, ხოლო სირიაში დადასტურდა 1,600-ზე მეტის.
თურქეთში დაღუპულთა შორის არის საქართველოს ორი მოქალაქე.