უკრაინის შეიარაღებული ძალების გენერალური შტაბის ინფორმაციით, ოკუპანტები უკრაინას ოთხი მიმართულებით უტევენ, უკრაინულმა თავდაცვის ძალებმა კი რუსეთის თავდასხმები 9 დასახლებულ პუნქტში მოიგერიეს. 

"მტერი აგრძელებს შეტევით მოქმედებებს ლიმანის, ბახმუტის, ავდიივკასა და ნოვოპავლივის მიმართულებით, განიცდის მძიმე დანაკარგებს", - ნათქვამია გენშტაბის ყოველდღიურ ანგარიშში.

გენშტაბის ინფორმაციითვე, გასული დღის განმავლობაში თავდაცვის ძალების ნაწილებმა ოკუპანტების თავდასხმები მოიგერიეს ლუგანსკის ოლქის გრეკივკას, ნევსკეს, კრემინას და დიბროვას დასახლებებში, ასევე, დონეცკის ოლქის ვერხნიოკამიანსკეს, კრასნა გორას, პარასკოვიევკას, ბახმუტსა და ივანოვსკეს რაიონებში.
გენშტაბი ასევე აღნიშნავს, რომ ბოლო 24 საათში, რუსეთმა უკრაინაზე 20 საჰაერო და სარაკეტო დარტყმა განახორციელა. კერძოდ, ოკუპანტებმა ხარკოვისა და მიკოლაევის რეგიონების სამოქალაქო ინფრასტრუქტურა დაბომბეს. თავდასხმას მსხვერპლი მოჰყვა.