გერმანია არ ეწინააღმდეგება პოლონეთის მიერ უკრაინისთვის ტანკების მიწოდებას. ამის შესახებ გერმანიის საგარეო საქმეთა მინისტრმა ანალენა ბერბოკმა განაცხადა. ინფორმაციას Deutche Welle ავრცელებს. მისი თქმით, ვარშავას ბერლინისთვის ოფიციალური განაცხადით არ მიუმართავს, მაგრამ თუ ეს მოხდა, გერმანიას არაფერი აქვს საწინააღმდეგო.
ბერბოკის თქმით, მას კარგად ესმის თუ რამდენად მნიშვნელოვანია ეს ტანკები უკრაინისთვის და ამიტომაც ახლა მიმდინარეობს კონსულტაციები პარტნიორებთან, რომ გაკეთდეს მაქსიმუმი ადამიანების სიცოცხლის გადასარჩენად და უკრაინის ტერიტორიის დეოკუპაციისთვის.
ბოლო დღეებში უკრაინისთვის გერმანული ტანკების მიწოდებასთან დაკავშირებით პოლიტიკოსებს შორის და მედიაში მწვავე დისკუსია მიმდინარეობს.