"სპეციალური ოპერაცია, ამ ომის დასრულების მცდელობაა" - პუტინმა ისევ "ომი" ახსენა
რუსეთის პრეზიდენტის, ვლადიმერ პუტინის თქმით, უკრაინაში "სპეციალური სამხედრო ოპერაციის" მიზანი აღმოსავლეთ დონბასის რეგიონში "ომის დასრულებაა".
მეორე მსოფლიო ომის ვეტერანებთან შეხვედრაზე პუტინმა თქვა, რომ დონბასში "სრულმასშტაბიანი საომარი მოქმედებები მძიმე ტექნიკის, არტილერიის, ტანკებისა და თვითმფრინავების გამოყენებით 2014 წლის შემდეგ არ შეწყვეტილა".
მეორე მსოფლიო ომის ვეტერანებთან შეხვედრაზე პუტინმა თქვა, რომ დონბასში "სრულმასშტაბიანი საომარი მოქმედებები მძიმე ტექნიკის, არტილერიის, ტანკებისა და თვითმფრინავების გამოყენებით 2014 წლის შემდეგ არ შეწყვეტილა".
"ყველაფერი რასაც დღეს ვაკეთებთ, მათ შორის სპეციალური ოპერაცია, ამ ომის დასრულების მცდელობაა. ეს არის ამ ოპერაციის მიზანი და რომ დავიცვათ ჩვენი ხალხი, ვინც ამ ტერიტორიებზე ცხოვრობს", - თქვა პუტინმა.ცნობისთვის, ეს უკვე მეორე შემთხვევაა, როცა პუტინმა უკრაინის კონტექსტში სიტყვა "ომი" გამოიყენა. ეს სიტყვა რუსეთში აკრძალულია. უკრაინის კონფლიქტის აღსაწერად სიტყვა "ომი" პუტინმა პირველად დეკემბრის ბოლოს გამოიყენა, ეს იყო პირველი საჯარო შემთხვევა.