ლავროვი უკრაინას 4 ოკუპირებულ რეგიონთან დაკავშირებით ულტიმატუმს უყენებს
რუსეთის საგარეო საქმეთა მინისტრმა სერგეი ლავროვმა ორშაბათს განაცხადა, რომ უკრაინამ უნდა შეასრულოს მოსკოვის წინადადებები "ახალ ტერიტორიებთან" დაკავშირებით - წინააღმდეგ შემთხვევაში რუსი სამხედროები იმოქმედებენ. მისი განცხადება რუსულმა სახელმწიფო საინფორმაციო სააგენტო TASS-მა გაავრცელა.
"მტერმა კარგად იცის ჩვენი წინადადებები რეჟიმის მიერ კონტროლირებადი ტერიტორიების დემილიტარიზაციისა და დენაციონალიზაციის შესახებ და იქიდან რუსეთის უსაფრთხოებისთვის საფრთხის აღმოფხვრის შესახებ, ჩვენი ახალი ტერიტორიების ჩათვლით (უკრაინის ოკუპირებული 4 რეგიონი, რომელსაც რუსეთი დამოუკიდებელს უწოდებს).მისივე განცხადებით, კონფლიქტის ხანგრძლოვობასთან დაკავშირებით ბურთი "ვაშინგტონისა და მისი რეჟიმის მოედანზეა". ლავროვის აზრით, მათ შეუძლიათ ნებისმიერ მომენტში შეაჩერონ "უშედეგო წინააღმდეგობა".
დარჩენილია მხოლოდ ერთი რამ: შეასრულოს ისინი, სანამ გვიან არ არის, წინააღმდეგ შემთხვევაში, რუსეთის არმია საქმეს თავის ხელში აიღებს", - თქვა ლავროვმა.