გიორგი კირთაძეზე თავდასხმა არის კიდევ ერთი გამოვლინება, რომ "ოცნებას" პოლარიზაციის დასრულება არ სურს - ხაბეიშვილი
"ერთიანი ნაციონალური მოძრაობის" თავმჯდომარეობის ერთ-ერთი კანდიდატი, ლევან ხაბეიშვილი ბათუმში გიორგი კირთაძეზე მომხდარ თავდასხმას გამოეხმაურა. ხაბეიშვილის თქმით, თავდასხმა წინასწარ ორგანიზებული იყო და ეს კიდევ ერთი მაგალითია, რომ "ქართულ ოცნება" ქვეყანაში არა მშვიდობა, არამედ პოლარიზაცია და დაპირისპირება სურს.
თავდამსხმელი, სავარაუდოდ, პუტინისტური "ალტ ინფოს" წევრია, რადგან ტერიტორიაზე, სადაც ინციდენტი მოხდა, მათი ოფისი მდებარეობს.
"რაც დღეს ჩვენ ბათუმში ვნახეთ, ეს იყო კიდევ ერთი რუსული პროვოკაცია პატრიოტი ადამიანების წინააღმდეგ და ჩვენ ვნახეთ გიორგი კირთაძეზე ორგანიზებული ტიტუშკების თავდასხმა. ეს არ იყო შემთხვევითი, ეს იყო კარგად ორგანიზებული, კარგად ორკესტრირებული და ახლა უსამშობლო ბიძინა ივანიშვილს, რუს ოლიგარქს, რუსულ ოცნებას სურს, რომ რუსული პიარ კამპანია, რომ თურმე პრობლემა არაა, რომ რუსებს და ცდილობენ რუსი ტიტუშკები მიუგზავნონ ადამიანებს, ვინც ფიქრობენ ქართულად და ვისაც უნდა ცივილიზებული სამყაროს წევრობა. დღევანდელი დღეს, თავდასხმა გიორგი კირთაძეზე არის კიდევ ერთი ნათელი გამოვლინება, რომ რუს ივანიშვილს, რუსულ ოცნებას არანაირი სურვილი მშვიდობის საქართველოში არ აქვს, არანაირი სურვილი პოლარიზაციის დასრულების არ აქვთ, მათი სურვილია დაპირისპირება, ბოღმა, ღვარძლი და ამას აღვივებენ", - თქვა ლევან ხაბეიშვილმა.შეგახსენებთ, რომ ტელეკომპანია "ფორმულას" პირდაპირ ეთერში ჩართვის დროს, ბათუმში, გორგასლის ქუჩაზე, ნაციონალური მოძრაობის წევრ გიორგი კირთაძეს თავს დაესხნენ. უცნობმა კაცმა მას კვერცხი ესროლა და ფიზიკური შეურაცხყოფა მიაყენა. თავდამსხმელმა სიტყვიერი და ფიზიკური შეურაცხყოფა მიაყენა ფორმულას გადამღებ ჯგუფსაც.
თავდამსხმელი, სავარაუდოდ, პუტინისტური "ალტ ინფოს" წევრია, რადგან ტერიტორიაზე, სადაც ინციდენტი მოხდა, მათი ოფისი მდებარეობს.