იმედი მაქვს, მიხეილ სააკაშვილი შეწყვეტს თვითდაზიანების პროცესს და განაახლებს კვების ნორმალურ რეჟიმს - წულუკიანი
კულტურის მინისტრი თეა წულუკიანი იმედოვნებს, რომ მიხეილ სააკაშვილი "შეწყვეტს თვითდაზიანების პროცესს, განაახლებს კვების ნორმალურ რეჟიმს" და მისი ჯანმრთელობის მდგომარეობა გაუმჯობესდება.
მისივე მტკიცებით, პენიტენციური და სამედიცინო სისტემა, ყველაფერს აკეთებს მიხეილ სააკაშვილის ჯანმრთელობის დასაცავად.
მისივე მტკიცებით, პენიტენციური და სამედიცინო სისტემა, ყველაფერს აკეთებს მიხეილ სააკაშვილის ჯანმრთელობის დასაცავად.
"როგორც ყოველთვის, როცა პატიმარს და მის უფლებებს ეხება საქმე, ვიქნები კიდევ მეტად გულწრფელი, ვიდრე ჩვეულებისამებრ და ვიტყვი, რომ ძალიან დიდი იმედი მაქვს, მიხეილ სააკაშვილის ჯანმრთელობის მდგომარეობა სწრაფად გაუმჯობესდება, რომ ის შეწყვეტს თვითდაზიანების პროცესს, განაახლებს კვების ნორმალურ რეჟიმს. მესმის, რომ ჩემს სიტყვას მის თვალში არ შეიძლება, ჰქონდეს რაიმე ტიპის მნიშვნელობა და წონა, მაგრამ მაქვს ჩემი ვალდებულება, გამოვხატო ის აზრი, რომელიც პატიმარს, მის სიცოცხლესა და უფლებებს ეხება. აუცილებელია, მან შეიცვალოს პოზიცია, რომელიც არის მიმართული მის მიერვე თავისი ჯანმრთელობის წინააღმდეგ, ვინაიდან მთელი სისტემა, იქნება ეს პენიტენციური, სამედიცინო სისტემა, თუ სამოქალაქო სამედიცინო სისტემა, მომართულია იქითკენ, რომ მისი ჯანმრთელობა იყოს გაუმჯობესებული და ბოლომდე დაცული. ამისთვის გვაკლია ერთადერთი რამ, ეს არის მისივე სურვილი და მონაწილეობა მისივე ჯანმრთელობის დაცვის პროცესში. როგორც კი ის შეიცვლის ამ პოზიციას, დარწმუნებული ვარ, დიდხანს იქნება ჯანმრთელად და როდესაც სასჯელი ამოეწურება, რასაკვირველია, თუკი თავის ჯანმრთელობას თვითონვე მოუფრთხილდება, შეძლებს ნებისმიერ მისთვის სასურველ პროცესში ჩართვას.შეგახსენებთ, რომ სასამართლო პროცესი, სადაც დღეს მიხეილ სააკაშვილის სასჯელის გადავადებაზე, ან მისგან სრულად გათავისუფლების შუამდგომლობაზე უნდა დაეწყოთ მსჯელობა, 14 დეკემბრისთვის გადაიდო.
ასეთია კანონი – თუკი დააშავებ, არის სასჯელი, სასჯელს უსჯის მოსამართლე და პენიტენციური სისტემა უზრუნველყოფს სასჯელის მოხდის პროცესში პატიმრის ჯანმრთელობისა და სიცოცხლის დაცულობას. დღეს საჭიროა მხოლოდ, რომ მოცემულმა პატიმარმა თავად გადაწყვიტოს თანამშრომლობა შესაბამის სამედიცინო სამსახურებთან, საკუთარი ჯანმრთელობის დასაცავად, რასაც მე მას პირადად ძალიან გულწრფელად ვუსურვებ" - ამბობს თეა წულუკიანი [საზოგადოებრივი მაუწყებელი]