"იმედი მაქვს, რომ 34-ვე იდეით იბრძოდა" - კობახიძე უკრაინაში დაღუპულ ქართველ გმირებზე
"იმედი მაქვს, რომ 34-ვე იდეით იბრძოდა" - ამის შესახებ "ქართული ოცნების" თავმჯდომარე ირაკლი კობახიძე უკრაინაში დაღუპულ ქართველ გმირებზე საუბრობს. ის არ აკონკრეტებს, რომ ომში დაღუპული ქართველი მებრძოლები გმირები არიან.
"რაც შეეხება იმ ადამიანებს, რომლებიც ენთუზიაზმით არიან წასული უკრაინაში, რა თქმა უნდა, ჩვენ პატივი უნდა ვცეთ მათ ამ ენთუზიაზმს, რომ ვისაც გულით სჯერა, რომ ისინი იბრძვიან იდეისთვის. ვინც ფულის სანაცვლოდ აკეთებს ამას, იქ არის, რა თქმა უნდა, კითხვის ნიშნები და ეს არ არის ცალსახად შესაფასებელი მოვლენა. ამიტომ, რაღაც ზღვარი უნდა გაევლოს... ვინც ენთუზიაზმით იბრძვის იდეისთვის, რა თქმა უნდა, ის იმსახურებს პატივისცემას.
ჟურნალისტი: "არიან თუ არა გმირები დაღუპული ადამიანები?"
"ნუ ეს რა კითხვაა. კიდევ ერთხელ გავიმეორებ, რაც გითხარით, თუ ადამიანი ენთუზიაზმით იდეისთვის იბრძვის და ამ იდეას ეწირება, ის რა თქმა უნდა, გმირია. მაგალითად, ფულის სანაცვლოდ შეიძლება ვიღაცა მიდიოდეს. მე იმედი მაქვს, მინდა ამის რწმენა მქონდეს, რომ 34-ვე იდეით იბრძოდა...
ჟურნალისტი: "გმირები არიან თუ არა?"
500-ჯერ გიპასუხეთ უკვე... - თქვა კობახიძემ.