ესპანეთმა უკრაინას პირველი Hawk საზენიტო-სარაკეტო კომპლექსები გადასცა
ესპანეთმა უკრაინას პირველი Hawk საზენიტო-სარაკეტო კომპლექსები გადასცა, - ამის შესახებ ინფორმაციას უკრაინის თავდაცვის მინისტრი, ოლექსეი რეზნიკოვი ავრცელებს. რეზნიკოვი twitter-ზე წერს, რომ გარდა სამხედრო დახმარებისა ,უკრაინელი მებრძოლები ესპანეთში სამხედრო წვრთნებს გაივლიან.
"ოდესაში ესპანეთის თავდაცვის მინისტრი მარგარიტა რობლესს ვუმასპინძლე. პატივი მივაგეთ უკრაინისთვის დაღუპული გმირების ხსოვნას და მოვინახულეთ ჩვენი მებრძოლები საავადმყოფოში. ესპანეთი მხარს უჭერს უკრაინას: დახმარება ჰუმანიტარულ უსაფრთხოების სფეროში ისევ გაგრძელდება. ჩვენი მებრძოლები გაივლიან წვრთნას ესპანეთში. ესპანეთმა უკვე გადმოგვცა ჩვენი პირველი Hawk" - წერს რეზნიკოვი.