აგრესიაზე პასუხისგებისთვის სპეციალური ტრიბუნალია საჭირო, ყველაფერს ვაკეთებთ მის შესაქმნელად - ზელენსკი
უკრაინის პრეზიდენტმა, ვოლოდიმირ ზელენსკიმ საღამოს ტრადიციულ ვიდეო მიმართვაში რუსეთის წინააღმდეგ სპეციალური ტრიბუნალის შექმნაზე ისაუბრა. მისი განცხადებით, უკრაინამ უნდა გააერთიანოს მსოფლიოს უმრავლესობა გაეროს გენერალური ასამბლეის რეზოლუციის პროექტის მხარდასაჭერად სპეციალური ტრიბუნალის შესახებ.
მისი თქმით, ამ თემაზე ბრიტანეთის მხარდაჭერის იმედი აქვთ, რომელსაც მსგავსი გამოცდილება მეორე მსოფლიო ომის დროს ჰქონდა.
მისი თქმით, ამ თემაზე ბრიტანეთის მხარდაჭერის იმედი აქვთ, რომელსაც მსგავსი გამოცდილება მეორე მსოფლიო ომის დროს ჰქონდა.
"აგრესიაზე პასუხისგებისთვის საჭიროა სპეციალური ტრიბუნალი - სისხლის სამართლის საერთაშორისო სასამართლოს გარდა. და ჩვენ ყველაფერს ვაკეთებთ, რომ შეიქმნას ასეთი ტრიბუნალი.ზელენსკიმ აღნიშნა, რომ უკრაინა უკვე თანამშრომლობს ბევრ ქვეყანასთან და საერთაშორისო ორგანიზაციასთან, რათა ყველა რუსი მკვლელი დამსახურებულად დაისაჯოს.
სწორედ ამ საქმეს მიეძღვნა დღეს უკრაინის პირველი ლედის მიმართვა პარლამენტისა და დიდი ბრიტანეთის ხალხისადმი.
ამჟამად ოლენას ვიზიტი დიდ ბრიტანეთში მიმდინარეობს. და ყველა უკრაინელი კაცისა და ქალის სახელით, ვინც დაზარალდა რუსული აგრესიით, მან მოუწოდა დიდ ბრიტანეთს გახდეს ლიდერი გლობალურ ძალისხმევაში, რათა შეიქმნას სპეციალური ტრიბუნალი უკრაინის წინააღმდეგ რუსული აგრესიის დანაშაულისთვის და აღადგინოს სამართლიანობა", - თქვა ზელენსკიმ.