ამერიკის შეერთებული შტატები უკრაინას რუსული სარაკეტო დარტყმის შემდეგ ელექტროქსელის განახლებისთვის საჭირო აღჭურვილობის შესაძენად 53 მილიონი დოლარის გადაუდებელ დახმარებას გაუწევს.
CNN-ის ცნობით, ამის შესახებ აშშ-ის სახელმწიფო დეპარტამენტი იტყობინება.
დაფინანსება გათვალისწინებულია ელექტროქსელის აღდგენისთვის აღჭურვილობის შესაძენად და ის უკრაინას უმოკლეს ვადაში უნდა მიეწოდოს.
„ეს პაკეტი მოიცავს გამანაწილებელ ტრანსფორმატორებს, დენის დამცავ მოწყობილობებს, გამთიშველებს, სატრანსპორტო საშუალებებს და სხვა კრიტიკულ აღჭურვილობას”, - ნათქვამია ინფორმაციაში.
უკრაინის საგარეო საქმეთა მინისტრმა მანამდე განაცხადა, რომ რუსული სარაკეტო დარტყმების შედეგად, ენერგეტიკული კრიზისის დასაძლევად, უკრაინას ტრანსფორმატორები და საჰაერო თავდაცვის სისტემები სჭირდება.