ნიდერლანდების პარლამენტმა რუსეთი ტერორიზმის სპონსორ სახელმწიფოდ აღიარა. ინფორმაციას ამის შესახებ ჰოლანდიური გამოცემა trouw.nl ავრცელებს. გამოცემის თანახმად, ნიდერლადების წარმომადგენელთა პალატამ რუსეთი ტერორიზმის სპონსორ სახელმწიფოდ უკრაინაში სამხედრო მოქმედებების გამო აღიარა. პარტიათა დიდმა უმრავლესობამ, მათ შორის VVD-მ (სახალხო პარტია თავისუფლებისა და დემოკრატიისთვის), D66 (დემოკრატები 66), ChristenUnie (ქრისტიანული კავშირი), PvdA (ლეიბორისტული პარტია) და CDA-მ (ქრისტიან-დემოკრატიული მოწოდება) მხარი დაუჭირა დეპუტატ ტომ ვან დერ ლის წინადადებას.
როგორც გამოცემა აღნიშნავს, პარტიათა დიდი უმრავლესობა ასევე მხარს უჭერს უკრაინისადმი რაც შეიძლება მეტი ჰუმანიტარული, დიპლომატიური და სამხედრო დახმარების მიწოდების პოლიტიკას.