ევროპარლამენტმა რუსეთი ტერორისტულ სახელმწიფოდ გამოაცხადა - რას აპირებს საქართველო.
ცივილიზებული სამყაროს პარლამენტები ერთი მეორის მიყოლებით იღღებენ რეზოლუციას და რუსეთს ტერორიზმის სპონსორ სახელმწიფოდ აცხადებენ.
ამ დროს კი საქართველოს ხელისუფლება სრული მდუმარების რეჟიმშია. "ოცნების" ლიდერი ალუდა ღუდუშაური ამბობს, რომ საქართველომ მიმართა ჰააგას და დღესაც რუსეთთან გვაქვს დავა. ამაზე მეტის გაკეთება, კი მმართველი გუნდის ლიდერის თქმით, მეორეხარისხოვანია.

,,ზოგადად, ქვეყანა რომ იყოს მიჩნეული ტერორიზმის მხარდამჭერად, ან ვინმე გამოცხადდეს ტერორისტად, ამას ევროპარლამენტი კი არ ადგენს, ამას ახდენს შესაბამისი უწყება, მაგალითად ჰააგა და შესაბამისი სასამართლოები. ჩვენ, კონკრეტულად თუ გაინტერესებთ, რა გავაკეთეთ, ეს იცოდეთ და დაიმახსოვრეთ კარგად და საოზოგადოებას აუხსენით. ჩვენ მივმართეთ ჰააგას და დღესაც რუსეთთან გვაქვს დავა და ჩვენი კონკრეტული ქმედების შედეგად საერთაშორისო ასპარეზზე სასამართლოს ძალით მოვიპოვეთ ის რომ აღიარებულ იქნას რომ, დიახ, რუსეთმა საქართველოს მიმართ ჩაიდინა დანაშაული. ამაზე მეტი უკვე არის სხვა დანარჩენი მეორე და მესამე ხარისხოვანი“ - ალუდა ღუდუშაური.

შეგახსენებთ, რომ ამ დრომდე, საქართველოს პარლამენტში დაბლოკილია პარტია "ლელოს" მიერ ინიცირებული პროექტი, სადაც რუსეთის მიერ ჩადენილი ომის დანაშაულებია დაგმობილი.