თურქეთის თავდაცვის სამინისტრომ განაცხადა, რომ მათ ავიადარტყმები განახორციელეს ჩრდილოეთ სირიასა და ჩრდილოეთ ერაყში ქურთ მებრძოლთა ბაზებზე, რომლებიც, მისი თქმით, თურქეთზე თავდასხმების განსახორციელებლად გამოიყენებოდა.
Reuters-ის ცნობით,  ქურთების ხელმძღვანელობით სირიის დემოკრატიულმა ძალებმა (SDF) შაბათს გვიან განაცხადეს, რომ თურქეთის ავიაციამ დაბომბა ჩრდილოეთ სირიაში იძულებით გადაადგილებული ხალხით დასახლებული ორი სოფელი.
თურქეთის სამინისტროს განცხადების თანახმად, საჰაერო დარტყმების სამიზნე იყო უკანონო ქურთისტანის მუშათა პარტიის (PKK) და სირიის ქურთული YPG მილიციის ბაზები, რომლებიც თურქეთის თქმით, PKK-ის ფრთაა. 
თურქეთმა სამშაბათს განაცხადა, რომ აპირებს სამიზნეებზე იერიშის მიტანას ჩრდილოეთ სირიაში მას შემდეგ, რაც დაასრულებს საზღვარგარეთ ოპერაციას PKK-ის მებრძოლების წინააღმდეგ ერაყში. მათი თქმით ეს არის პასუხი გასულ კვირას სტამბოლში მომხდარ აფეთქებაზე. 
შეგახსენებთ, მთავრობა ქურთ მებრძოლებს ადანაშაულებს 13 ნოემბერს სტამბოლის ისტიკლალის გამზირზე მომხდარ აფეთქებაში, რომლის შედეგადაც ექვსი ადამიანი დაიღუპა და 80-ზე მეტი დაშავდა. არცერთ დაჯგუფებას არ აუღია პასუხისმგებლობა გადატვირთულ საცალფეხო გამზირზე მომხდარ აფეთქებაზე, ხოლო PKK და SDF უარყოფენ მონაწილეობას.