სამხედრო დახმარების ახალი პაკეტის ღირებულება, რომელითაც დიდი ბრიტანეთი უკრაინას დაეხმარება, 50 მილიონი  გირვანქა სტერლინგია - აცხადებს უკრაინის პრეზიდენტის ადმინისტრაციის ხელმძღვანელი ანდრეი ერმაკი.

"რიში სუნაკმა გამოაცხადა უკრაინის სამხედრო დახმარების ახალი პაკეტი 50 მილიონი ფუნტი სტერლინგის ღირებულების. გარდა 125 საზენიტო იარაღისა და ირანული დრონების საწინააღმდეგო ტექნოლოგიებისა, დახმარების პაკეტი მოიცავს ათობით რადარს და ელექტრონულ კონტრზომებს დრონების წინააღმდეგ. დიდი ბრიტანეთი ასევე აძლიერებს შეიარაღებული ძალებისთვის სწავლებას და რეგიონში ექსპერტებს აგზავნის სამხედრო მედიკოსებისა და ინჟინრებისთვის სპეციალიზებული დახმარებისთვის", - წერს ერმაკი.

დიდი ბრიტანეთის პრემიერმინისტრი რიში სუნაკი უკრაინაში 19 ნოემბერს ჩავიდა და ახალი სამხედრო და ჰუმანიტარული დახმარების შესახებ განაცხადა.