ნიკა მელიამ ბრიუსელსა და ლისაბონში ევროპელ პარტნიორებთან ვიზიტის შედეგები საგანგებო ბრიფინგზე შეაჯამა
თავისუფლებისთვის ბრძოლა გრძელდება გამარჯვებამდე და ეს ბრძოლა აუცილებლად დასრულდება გამარჯვებით! - "ერთიანი ნაციონალური მოძრაობის" თავმჯდომარემ, ნიკა მელიამ ბრიუსელსა და ლისაბონში ევროპელ პარტნიორებთან ვიზიტის შედეგები საგანგებო ბრიფინგზე შეაჯამა
"ერთიანი ნაციონალური მოძრაობის სახელით ვაცხადებ, რომ ჩვენი პოლიტიკური ძალის უმთავრესი პრიორიტეტი იყო არის და იქნება საქართველოს თავისუფალ სამყაროსთან ინტეგრაცია. ოპრეზიდენტ სააკაშვილის თავისუფლება და მისი გადაყვანა დასავლურ სამედიცინო დაწესებულებაში. ქვეყნის დემოკრატიული განვითარება და მედიის თავისუფლება",- თქვა ნიკა მელიამ.ბრიფინგზე ნიკა მელიამ ევროპის სახალხო პარტის კრიტიკულ რეზოლუციაზე ისაუბრა და აღნიშნა, რომ დასავლელი პარტნიორები იზიარებენ აზრს, რომ ევროინტეგრაციის გზაზე ხელისშემშლელი ფაქტორი ოლიგარქი ბიძინა ივანიშვილი და მისი ხელისუფლებაა.