უკრაინის რადას ფრაქცია „სლუგა ნაროდაში“ აცხადებენ, რომ ჯერჯერობით, არ აქვთ ხმათა საკმარისი რაოდენობა, რომელიც საჭიროა იმისთვის, რომ მიხეილ სააკაშვილი ვიცე-პრემიერის თანამდებობაზე დაინიშნოს - უმრავლესობა წინააღმდეგი არ არის, მაგრამ ეჭვი ეპარებათ.
„უნიანის“ ინფორმაციით, ამის შესახებ ფრაქციის თავმჯდომარის მოადგილე ევგენია კრავჩუკმა განაცხადა. მისი თქმით, ამ დროისთვის ფრაქციაში ზუსტად ორ ნაწილად არის დაყოფილი სააკაშვილის მომხრეებისა და მოწინააღმდეგეთა ხმები. თუმცა, ყველაზე დიდი ჯგუფი ის არის, რომლებსაც ჯერჯერობით პასუხი არ გაუციათ და არ ჩამოყალიბებულან. კრავჩუკის თქმით, შესაძლოა, მიხეილ სააკაშვილმა დამატებითი შეხვედრები გამართოს მათთან, ვისაც ეჭვი ეპარება, ასევე სხვა ფრაქციებსაც შეხვდება. დეპუტატის თქმით, „მთლიანი სურათის შესახებ“ საუბარი მომავალი კვირის დასაწყისში იქნება შესაძლებელი. მისი ინფორმაციით, დეპუტატებს კითხვები გაუჩნდათ რეფორმების საკითხებში ვიცე-პრემიერის უფლებამოსილებებთან დაკავშირებით.