ბელარუსის პრეზიდენტმა განაცხადა, რომ ბელარუსი მონაწილეობს რუსეთის ფედერაციის "სპეცოპერაციაში" უკრაინაში, მაგრამ არ აგზავნის საკუთარ ჯარს, ქვეყანაზე თავდასხმის აღკვეთის მოტივით.

"...რაც შეეხება ჩვენს მონაწილეობას უკრაინაში სპეცოპერაციაში, იქ ვმონაწილეობთ. ჩვენ ამას არ ვმალავთ. მაგრამ ჩვენ არავის ვკლავთ. ჩვენ სამხედროებს არსად არ ვაგზავნით. ჩვენ არ ვარღვევთ ჩვენს ვალდებულებებს", - განაცხადა ლუკაშენკომ სამხედრო უსაფრთხოების საკითხებზე გამართულ შეხვედრაზე.

მისი თქმით, ბელორუსის ამოცანაა „პირველ რიგში, თავიდან აიცილოს ამ კონფლიქტის გავრცელება ბელარუსის ტერიტორიაზე“. მან უკრაინა საზღვრის დარღვევაში დაადანაშაულა:

"ის მუდმივად ახორციელებს ჩვენი ტერიტორიის, ჯარების, ობიექტების ოპტიკურ, რადიოელექტრონულ, რადიოტექნიკურ დაზვერვას. ხშირად მათი დრონებით არღვევენ სახელმწიფო საზღვრის ხაზს, არის მუდმივი პროვოკაციები საზღვარზე" - ამბობს ლუკაშენკო.

მისი თქმით, უკრაინამ ბელარუსის საზღვრამდე 15 000-მდე სამხედრო მოაბილიზა.