რუსეთის საგარეო საქმეთა მინისტრი სერგეი ლავროვი მოსკოვში, დროებით ოკუპირებული აფხაზეთის ე.წ. საგარეო საქმეთა მინისტრს ინალ არძინბას შეხვდა.
"რადიო თავისუფლების" რუსულენოვანი ბიუროს ინფორმაციით, ლავროვმა შეხვედრაზე უპირობო მხარდაჭერა გამოუცხადა "აფხაზეთის სახელმწიფო სუვერენიტეტის განმტკიცებას".

მხარეებმა ხელი მოაწერეს "შეთანხმებას", ორმაგი მოქალაქეობის საკითხების მოგვარების შესახებ.  "დოკუმენტი" ითვალისწინებს "აფხაზეთის მოქალაქეებისთვის" რუსეთის მოქალაქეობის მიღების  გამარტივებული პროცედურის შემოღებას.

"ხელშეკრულება" ასევე ეხება სამხედრო სამსახურში გაწვევას. ის განხორციელდება იქ, სადაც მუდმივად ცხოვრობენ ორმაგი მოქალაქეობის მქონე პირები.

ცნობისთვის, რუსეთის პრეზიდენტმა ვლადიმერ პუტინმა, რუსეთის საგარეო საქმეთა სამინისტროს ორმაგი მოქალაქეობის შესახებ შეთანხმების გაფორმება დაავალა, რომელიც 9 სექტემბერს გახდა ცნობილი.