უკრაინამ ირანის ელჩის აკრედიტაცია გააუქმა და ირანის საელჩოში დიპლომატების რაოდენობა შეამცირა. საგარეო საქმეთა სამინისტროს განმარტებით, ამის მიზეზი რუსეთისთვის უპილოტო საფრენი აპარატების მიწოდებაა.
სამინისტრომ უკრაინაში ირანის საგარეო საქმეთა დროებითი რწმუნებული დაიბარა და მას განუცხადეს, რომ რუსეთისთვის  ირანული იარაღის მიწოდება ეწინააღმდეგება ირანის ხელმძღვანელობის საჯარო პოზიციას ნეიტრალიტეტის, უკრაინის სუვერენიტეტისა და მთლიანობის პატივისცემის შესახებ.
გარდა ამისა, უკრაინის საგარეო საქმეთა სამინისტრომ ხაზი გაუსვა, რომ რუსეთისთვის იარაღის მიწოდება "არამეგობრულ აქტს" წარმოადგენს.