ნატო გმობს უკრაინაში დაგეგმილ ე.წ. რეფერენდუმებს და აცხადებს, რომ ალიანსი მათ არასოდეს აღიარებს
ნატომ დაგმო რუსეთის მიერ ოკუპირებულ უკრაინის ნაწილებში ე.წ. რეფერენდუმის ჩატარების გეგმები და თქვა, რომ ალიანსი არასოდეს აღიარებს.
ალიანსში აცხადებენ, რომ ამგვარი ყალბი რეფერენდუმები არღვევს გაეროს ქარტიასა და არალეგიტიმურია.
ალიანსში აცხადებენ, რომ ამგვარი ყალბი რეფერენდუმები არღვევს გაეროს ქარტიასა და არალეგიტიმურია.
„ჩვენ ვგმობთ ე.წ. „რეფერენდუმის“ ჩატარების გეგმას რუსეთის ფედერაციაში უკრაინის რეგიონების გაწევრიანების შესახებ, რომლებსაც ნაწილობრივ აკონტროლებენ რუსული სამხედროები...მოკავშირეები არ აღიარებენ და მომავალში არც არასოდეს აღიარებენ რუსეთის მიერ ყირიმის უკანონო ანექსიას. უკრაინის დონეცკის, ლუგანსკის, ზაპორიჟიესა და ხერსონის ოლქებში რეფერენდუმებს არ აქვთ ლეგიტიმაცია და იქნება გაეროს წესდების აშკარა დარღვევა. ნატოს მოკავშირეები არ აღიარებენ ყირიმის არალეგიტიმურ და არასამართლებრივ ანექსიას“, - ნათქვამია განცხადებაში.ცნობისთვის, უკრაინის ოკუპირებულ რეგიონებში რეფერენდუმი ამ კვირის დასაწყისში პრორუსმა ოფიციალურმა პირებმა მოულოდნელად დანიშნეს. ისინი ოკუპირებული ტერიტორიების მოსახლეობას ჰკითხავენ, სურთ თუ არა რუსეთის ფედერაციაში გაწევრიანება.